Жеңіс мейрамы – жанқияр ерліктің, еңселі елдіктің рухы өрлеп, Жеңіс жалауы желбіреген ұлы күн. Ұлы Отан соғысындағы ерен ерлік – ұрпақ жадында мәңгілікке қалған ұлы ерлік. Бұл күн – әлемді фашизмнің құрсауынан арашалап қалған тарихи күн. Бұл – майданда парыз бен өр намысты алға қойған, елі мен жерінің бостандығы үшін жан аямаған, табанды да қайсар мінезді жауынгерлеріміздің биік рухының мерекесі. Бүгінгі Тәуелсіздік тұғырының берік, еңсеміздің биік болуы, еліміздің өркендеуі – Ұлы Жеңістің жемісі.
Биыл халқымыз Ұлы Жеңістің 76 жылдығын қарсы алып, 9 мамыр күні жас ұрпақ берік ынтымақ пен бейбіт күннің қасиетін терең бағалап, батыр бабалардың ұлы ерлігіне тағзым етеді. Майдан үшін жанкешті еңбек етіп, Отан алдындағы борышын адал термен өтеген тыл ардагерлері де әрқашан құрмет биігінде.
Ардақты ардагерлер! Сіздердің ерен ерліктеріңіз бен өлшеусіз еңбектеріңіздің алдында қарыздармыз. Майдан даласында қаза тапқан батырлардың рухына бас иіп, тағзым етеміз. Арамызда жүрген ардагерлерге зор денсаулық, ұзақ ғұмыр, алаңсыз күндер мен отбасы амандығын тілеймін!
Ізгі ниетпен, Бәйтерек ауданының әкімі
Марат Тоқжанов
Биылғы 9 мамыр – Жеңіс күнінің қарсаңында «Орал өңірі» және «Приуралье» газеттерінен арамыздағы жеңімпаздардың өмір дерегін, қан майдандағы жанқиярлық ерлігі мен бейбіт күнгі жасампаз еңбегі жайлы оқи жүріңіздер. Газеттерімізге ардагерлер жайлы мақалалар мен құттықтаулар берулеріңізге болады.
zhaikpress
