Қытайдың оңтүстік батысындағы Юньнань провинциясындағы орманмен өрілген тау сілемінің аумағында дүйсенбі күні ҚХР Геологиялық барлау басқармасы экспедициясының жоғалған төрт мүшесінің денелері табылды, деп хабарлайды ҚазАқпарат Синьхуа агенттігіне сілтеме жасап.
Жергілікті биліктің мәлімдеуінше, геологтар 15 қараша күні із-түзсіз жоғалған, оларды іздестіруге 3 мыңға жуық адам жұмылдырылды. Геологтардың ең үлкені 32 жаста, ең кішісі 25 жаста болған. Олардың барлығы әскерге барған. Оқиғаның мән-жайы анықталуда, тергеу жүріп жатыр.
