Ел Тәуелсіздігінің 30 жылдығына орай мектептен тыс жұмыс орталығында мектеп оқушыларына шығармашылық қолдау білдіріп, өнерге баулу мақсатында «ART-талант» шығармашылық байқауы ұйымдастырылды.
Байқау мазмұны жас суретшілер мен жас ақындардың шығармашылық дуэтіне бағытталған. Екі кезеңді қамтыған байқаудың алғашқы кезеңі «Тәуелсіздікке тағзым» деп аталды. Бұл кезеңде шығармашылық дуэт Тәуелсіздікке арналған сурет пен арнау өлеңдерін әзірлеп келіп, қорғады. Екінші кезеңде қатысушылар алдын ала бекітілген тақырыптарды таңдау арқылы шығармашылық үндестікте жұмыстанды.
Нәтижесінде: І орынды Ащысай орта мектебінің оқушылары К.Өтебекова, Н.Танбай, ІІ орынды Ардақ негізгі мектебінің оқушылары Р.Исқақова, А.Исқақова, ІІІ орынды Амангелді негізгі мектебінің оқушысы Д. Отарова иеленді.
Ал Шыңғырлау орта мектебінің оқушылары Қ. Атчибаева, Н. Қармысова "Үздік дуэт" аталымын, А. Тихоненко атындағы орта мектебінің оқушылары "Үздік шығармашылық тандем" аталымын жеңіп алды.
«Шара барысы біздің көңілімізден шықты. Форматы өте ерекше. Екі шығармашыл оқушылардың: суретші мен ақын жанды оқушылардың бірлесіп жұмыс жасауы қатты ұнады. Ой мен қиялдың үндескен сәті болды. Ұйымдастырушыларға үлкен алғысымызды білдіреміз»,-дейді Ащысай мектебінің оқушылары Танбай Нұржігіт пен Көркем Өтегенова.
Аталмыш байқауда өнер көрсетіп, жеңімпаз атанған оқушыларды біз де шын жүректен құттықтаймыз!
Аружан Ишимова,
Шыңғырлау ауданы,
zhaikpress.kz
