Өңірдегі қолөнер кәсібін дамыту, қолөнершілерге қолдау көрсету, сонымен қатар отандық қолөнер бұйымдарын өндірушілердің жетістіктерін насихаттау мақсатында ұйымдастырылған шараға домбыра жасау шебері Е.Нәбиев, қолөнершілер Л.Құдабаева, Р.Надырғожин, А.Халықова, Б.Қанатова, С.Дүйсенбаева, Ж.Самарханова сынды жергілікті шеберлер қатысып, өздерінің жасаған бұйымдарын көрсетіп, жасалу жолдарымен таныстырып, келген қатысушыларға шеберлік сағаттарын өткізді.
Қолөнер шеберлері өзара пікір алмасып, ұлттық қолөнердің маңыздылығына да тоқталды.
Шара барысында қалалық мәдени-ағарту бірлестігінің басшысы С.Тоқмамбетов қолөнер шеберлерін алғысхатпен марапаттап, естелік сыйлықтар табыстады.
Сонымен қатар «Атамұра» балалар аула клубының «Домбыра-дастан», «Еркеназ» ансамбльдері күй тартып, ән шырқаса, «Ақжелкен» балалар аула клубының «Еркетай» би ансамблі мың бұрала би билеп, «Болашақ» ән тобы әдемі ән шырқады.
Эльмира Есқайрова,
«Ақжелкен» балалар аула клубының үйірме жетекшісі
Орал қаласы
