«Қазгидромет» РМК ұсынған ақпан айының алдын ала болжамдық мәліметтері бойынша, бүкіл республика төңірегінде ылғал қорының көлемі орташа жылдық көрсеткіштерден жоғары. Мысалы Ақмола облысының Селеті өзені бассейнінде, Қостанай облысының Торғай және Қараторғай өзендері, Батыс Қазақстан облысының Чижа-2 және Утва өзендерінің бассейндерінде, сондай-ақ Бұқтырма су қоймасы аймағындағы тау өзендерінің бассейндерінде және Шүлбі су қоймасына құятын Шығыс Қазақстан облысының төңірегінде.
Су тасқынының теріс әсерін азайту мақсатында біз талдау жүргіздік, оның қорытындысы бойынша көктемгі су тасқыны кезінде су басу қаупі жоғары 1010 елді мекен анықталды, онда 800 мыңнан астам адам тұрады.ҚР ТЖМ Төтенше жағдайлардың алдын алу басқармасының бастығы Рустамбек Амрин
Басқарма басшысы қардағы судың мөлшерін, топырақтың күзгі ылғалдылығын, топырақтың қату тереңдігін талдау кезінде қар астында мұз қыртысының болуын ескере отырып, су басу қаупі бар аймақтар анықталғанын айтты.
Мәселен, Төтенше жағдайлар министрлігінің мәліметінше, қауіпті аймақтарға Солтүстік Қазақстан, Шығыс Қазақстан, Ақмола, Қарағанды және Қостанай облыстары кіреді. Тәуекел деңгейі орташа аймақтарға Батыс Қазақстан, Ақтөбе, Павлодар, Алматы, Жамбыл және Түркістан облыстары жатады.
Брифингте соңғы бес жылда еліміздің он облысындағы 165 елді мекен су тасқынынан зардап шеккені еске салынды.
Төтенше жағдайлар министрлігі қазіргі уақытта қардың жиналу процесі жалғасып жатқанын және гидрометеорологиялық орталықта 1 наурыздағы су тасқынының соңғы болжамы дайындалып жатқанын түсіндірді.
