Жәнібек аудандық мәдениет үйінде қол күресінен 2009 жылы туған және одан кіші жас жеткіншектер мен қыздар арасында Батыс Қазақстан облысының чемпионаты өтті.
Шараның ашылуында аудан әкімінің орынбасары Асхат Молдағалиев сөз алып, барлық қатысушы спортшыларға сәттілік тіледі.
Жарыста Теректі, Қаратөбе, Жаңақала, Жәнібек аудандары мен Орал қаласынан келген спортшылар бақтарын сынады.
Кіші жас жеткіншектер арасындағы жарыстың қорытындысы бойынша 25 келі салмақта 1, 2, 3-орындарды Бексұлтан Забиғолла (Жәнібек), Нұрайбек Қартмамбетов (Жәнібек), Сәкен Қайыржан (Жәнібек) иемденсе, 30 келі салмақ дәрежесінде Мұхаммед Абай (Орал) 1-орыннан, Ардем Мұстафин (Жәнібек) 2-орыннан, Абылай Капсих (Жаңақала) 3-орыннан көрінді.
35 келі салмақта Ислам Ғабдол (Жаңақала), Арсен Амангелді (Орал), Сайд Пя (Жәнібек) тиісінше 1, 2, 3-орындарға ие болды.
40 келі салмақта Ерқанат Қабдырахим (Жаңақала) 1-орын, Бейбарыс Серікұлы (Жәнібек) 2-орын, Әмір Ермек (Жәнібек) 3-орынды қанжығасына байласа, ал 45 келі салмақ дәрежесінде Мадияр Сабыр (Орал), Әсет Бақтығали (Теректі), Арсен Дабыс (Орал) I, II, III орынға ие болды.
50 келі салмақта 1-орынды Эльхан Дәулетов (Орал), 2- орынды Мерхат Бауыржан (Орал), 3-орынды Нүркен Қайрат (Жәнібек) алды. 55 келі салмақта Нұрхан Берікқали (Жәнібек), Мирас Жасұлан (Қаратөбе), Азамат Қажымұрат (Жаңақала) сәйкесінше 1, 2, 3 орындарға ие болды.
Сонымен қатар +55 келі салмақ дәрежесінде Мақсат Серіков (Жәнібек) 1-орынды, Нұртілеу Тұрарбек (Жаңақала) 2-орынды, Әлихан Хывытолла (Орал) 3-орынды иемденді.
Қыздар арасындағы жарыстың қорытындысы бойынша 40 келі салмақта Айсезім Зейнолла (Жаңақала), Айкөркем Қайратова (Орал), Жансель Марат (Жәнібек) 1, 2, 3-орындарға ие болса, 45 келі салмақта Аружан Сенғали (Жаңақала) 1-орыннан, Сабина Шымболат (Жәнібек) 2-орыннан, Арманай Ермек (Жәнібек) 3-орыннан көрінді.
50 келі салмақта 1, 2, 3-орындар тиісінше Гүлжанат Төлеген (Орал), Зере Аманжол (Қаратөбе), Еркеназ Оралбайға (Орал) бұйырды. Сондай-ақ 55 келі салмақта Айшабибі Әділхан (Қаратөбе) 1- орынды, Альбина Бақытғалиева (Жәнібек) 2-орынды, Алина Бірімжарова 3-орынды еншіледі.
Жеңімпаздар мен жүлдегерлер диплом және медальдармен марапатталды.
Лаура Қайрат,
Жәнібек ауданы
zhaikpress.kz
