Биылғы жылдың 21-24 шілде күндері аралығында Ақтау қаласында самбо күресінен 2006-2007 жылы туған кіші жасөспірім ұл-қыздар арасында Қазақстан Республикасының чемпионаты өткен болатын. Осы дүбірлі додаға 88 келі салмақ дәрежесінде Шыңғырлау аудандық БЖСМ тәрбиеленушісі, облыстық спорттағы дарынды балаларға арналған мектеп интернат-колледжінің студенті Саин Алдияр қатысып қайтты.
Жекпе-жекте қарсыластарынан бірде басым түсіп, бірде еншісін берген Алдияр қайткенде де жүлдесіз қайтпауды мақсат тұтты. Нәтижесінде, ол III-ші орынды иеленіп, қола жүлдеге қол жеткізді. Жерлесімізді кезекті жүлдесімен құттықтай отырып, алда да жеңісті күндер жалғасын таба бергей дейміз.
Назым Айқын,
Шыңғырлау ауданы
zhaikpress.kz
