Ауыз сүт 28,3%, сүт консервілері 39,2%, ашытылған сүт өнімдері 29,2% қымбаттады. Ашыған сүт өнімдерінен йогурт 36,5%, айран 19,7%, қаймақ 33,6%, сүзбе 14,8%, қатты ірімшік 31,4% қымбаттады.
Өңірлік тұрғыда сүт өнімдері бағасының өсуін Маңғыстау облысының тұрғындары қатты сезінді: жылына + 42,2%. Көшбасшы үш өңірдің қатарына Қарағанды облысы (+31,6%) мен Шымкент (+31,3%) кірді.
Биыл қаңтар-қазан айларында сүт өнімдерін өндіру 396 млрд теңгеге жетті. Бұл былтырғымен салыстырғанда құндық мәнде 15,8% артық.
Өңделген сұйық сүт пен кілегей өндірісі 6,2%, 472,5 мың тоннаға дейін, сары май мен сыдырма 9%, 20,9 мың тоннаға дейін, сүт спредтері 26,6%, 4,7 мың тоннаға дейін, ірімшік және сүзбе 2,5%, 30,5 мың тоннаға дейін, қоюландырылған сүт пен кілегей 5,5%, 7 мың тоннаға дейін, йогурт 3%, 191,7 мың тоннаға дейін, шұбат 37,5%, 2,4 мың тоннаға дейін қысқарды.
Қатты күйдегі сүт өндірісі бір жылда 16,3%, 6,8 мың тоннаға, қымыз 6,7%, 1,3 мың тоннаға дейін өсті, деп жазады Energyprom.kz.
Биыл қаңтар-тамыз айларының қорытындысы бойынша жергілікті компаниялар өңделген сұйық сүт пен кілегейге сұранысты (ішкі нарықтағы сату плюс экспорт) 96%-ға қамтамасыз етті.
Осы кезеңде Қазақстанда 373,4 мың тонна өнім өндірілсе, импорт көлемі 15,6 мың тонна болды. Өнімнің 10,1 мың тоннасы экспортқа жіберілсе, қалған 378,8 мың тоннасы ішкі нарыққа сатылды.
Қазақстанда жұмыртқа өткен аймен салыстырғанда 6% және бір жылмен салыстырғанда 14,8% қымбаттады. Сонымен қатар Қазақстан облыстарының сауда нүктелерінде көкөніс пен жеміс-жидек бағасы тағы көтерілді.
