Мемлекет басшысы Қасым-Жомарт Тоқаев өскелең ұрпаққа жол ашу үшін барлық жағдайды жасау қажеттігін айта келе, 2022 жылды «Балалар жылы» деп жариялаған болатын. Осы орайда, Шыңғырлау аудандық мәдениет үйінде «Бала тілі – бал» аудандық байқауы ұйымдастырылды. Байқауға ауданның барлық дерлік бөбекжайынан бүлдіршіндер қатысып, өз өнерлерін көрермендерге паш етті.
Төрт кезеңнен тұратын сайыста қатысушы балалар өздерін әнмен де, бимен де таныстырып, тез арада суретке қарап әңгіме құрастырды, өз өнерлерін көрсетті.
Байқауға түскен 11 бүлдіршіннің бәрі де бас жүлдеге лайықты. Дегенмен әділқазылардың шешімімен бас жүлде Серіков Бейбарысқа бұйырса, І орынды Сәлімгерей Шаһар иеленді. Нұрмұханов Нұржігіт екінші орынға, ал Қуандық Жұлдыз үшінді орынға ие болды. Қалған сайыскерлер әр аталым бойынша марапатталды.
Байқау соңында аудан әкімінің орынбасары Азамат Бисембаев сөз сөйлеп, балалар жылымен құттықтады.
Әр сайыркердің артында үлкен ұжымның еңбегі, ана-атаның қолдауы тұрғаны сөзсіз. Сондықтан әр бөбекжай ұжымына еңбектерініңіз жана берсін деп тілейміз!
Аман Ізмұхан,
Шыңғырлау ауданы
zhaikpress.kz
