Бүгін Т.Жароков атындағы орта мектептің базасында Жәнібек аудандық білім беру бөлімінің ұйымдастыруымен «Бақытты балалық шақ – ертеңгі қуатты Қазақстан!» атты Балалар жылына орай қорытынды мерекелік кеш өтті.
Мерекелік кешке аудан әкімінің орынбасары Жақсылық Абдолов, аудандық білім беру бөлімінің басшысы Бағида Сарбалина, мекеме басшылары мен мектеп директорлары қатысты. Шарада аудан әкімінің орынбасары Жақсылық Каримоллаұлы сөз алып, нәтижелі жетістіктерге жетіп жүрген оқушыларды мақтан етіп, ел болашағы – білімді ұрпақтың қолында екенін айтып, болашақ мамандықты дұрыс таңдап, елдің дамуы мен көркеюіне өз үлестерін қосады деген үмітін жеткізді. Сондай-ақ ол аудан намысын қорғап, облыстық және республикалық байқаулардан жоғары деңгейде нәтиже көрсетіп жүрген оқушыларға құттықтау хат пен естелік сыйлықтар табыстады. Дәлірек айтар болсақ, мектепке дейінгі ұйымдар арасында өткен тұңғыш аудандық олимпиаданың жүлдегерлері – «Алтын ұя» бөбекжайының тәрбиеленушілері Қаһарман Сәрсенғалиев пен Мақсат Ғұмар, «Қайрат» бөбекжайының тәрбиеленушілері Ғибрат Жамаш пен Айбол Шайпедин, «Жәнібек» бөбекжайының тәрбиеленушісі Айсезім Қанат. Сонымен қатар ғылым саласы бойынша облыстық «Жыл оқушысы» жүлдегерлері, Ұзынкөл орта мектебінің 11-сынып оқушысы Зәуреш Сыдихова мен Ө.Сахипов атындағы орта мектептің 9-сынып оқушысы Дастан Ерсай, «Сохраняя память» халықаралық ғылыми жобасының «Нам доверена память» аталымы бойынша жүлдегерлері Ұзынкөл орта мектебінің оқушысы Ерген Мәулеш, Т.Жароков атындағы орта мектебінің оқушысы Расул Мәдиев, №1 мектеп-лицейінің оқушысы Аяжан Тельман, республикалық, облыстық ғылыми жобалардың І-орын жүлдегері Т.Жароков атындағы орта мектептің оқушысы Алина Амангелді, облыстық мәнерлеп оқу байқауларының жеңімпаздары Тегісшіл негізгі мектебінің оқушысы Дәурен Сәдиев, Ғ.Қараш атындағы орта мектебінің оқушысы Нұрлы Сабырғали, А.Оразбаева атындағы негізгі мектебінің оқушысы Айәсем Азаматова, «Аспан астындағы музей-қала» жарысында «Музей экскурсиялық аймақ» аталымы бойынша І-орын жүлдегері Ө.Сахипов атындағы орта мектептің оқушысы Ақерке Дауылбай, облыстық «Алтын сақа» математикалық сайысының ІІІ-орын жүлдегері Ғ.Абдуллин атындағы орта мектептің оқушысы Саяна Төлеген.
Сондай-ақ өнер саласы бойынша республикалық «Жарық жұлдыз» атты өнер байқауы «Эстрадалық вокал» жанры бойынша І-орын жүлдегерлері Х.Халиуллин атындағы орта мектебінің оқушылары Ақниет Қайрат, Гүлім Қайырғали, Інжу Мұратова, Мердан Досболатов, Лиза Лазыр, республикалық «Струнная капель» бард әндер орындаушылар фестивалінің І-орын жүлдегерлері №1 мектеп-лицейінің оқушылары Диас Бейісов, Эльза Шагирова, Қарлығаш Каримолла, Алтынбек Нығметов, Аршат Абдоллина және Т.Жароков атындағы орта мектептің оқушысы Гүлім Биғали. Спорт саласы бойынша облыстық деңгейде шағын футболдың үздік ойыншысы Е.Ниетқалиев атындағы орта мектебінің оқушысы Есімжан Есімғали, «Балдәурен» республикалық сауықтыру орталығы жекелей біріншілігінде үстел теннисінен І-орын жүлдегері Е.Ниетқалиев атындағы орта мектебінің оқушысы Бексұлтан Зейнолла, туристік көпсайыстан ҚР чемпионаты тау туризмі техникасынан академик Т.Жездебаевті еске алуға арналған облыстық жарыстың І-орын иегері Т.Жароков атындағы орта мектебінің оқушысы Батырхан Мұрат, №1 мектеп-лицейінің оқушылары Азат Картес, Жангүлім Жендетқалиева, Дария Лемякина, Үстел теннисінен ҚР чемпионы Т.Жароков атындағы орта мектебінің оқушысы Даниал Жұматов, қол күресінен жас жеткіншектер арасында БҚО чемпионы Т.Жароков атындағы орта мектебінің оқушысы Мақсат Серіков марапатталды.
Мерекелік шарада «Қайрат» және «Балауса» бөбекжайының тәрбиеленушілері Алинұр Нәсіпқали мен Аяжан Марс мәнерлеп өлең оқыса, «Алтын ұя» бөбекжайының тәрбиеленушілері «Келші, келші балашым» әнін орындады. Сонымен қатар «Шабыт» триосы «Қазақстан» әнін тамылжыта орындап берді. Шара аудандық балалар-жасөспірімдер туризмі және экология орталығының «Бард» әндер үйірмесінің тәрбиеленушілердің орындауында «Бақыт деген...» әнімен өз мәресіне жетті.
Гүлзара Мәди,
Жәнібек ауданы
zhaikpress.kz
