Қаратөбе ауданы Қаракөл ауылдық округінің әкімі Эльдар Амантаевтың мәлім еткеніндей, оқиға 11 наурыз күні түскі сағат 14.00 шамасында орын алған.
Ағын су екпінінен Ақтайсай ауылынан аудан орталығына жалғайтын жалғыз өткел тасқын суға шыдамай, опырылған. Су басқан өткелдің әлеуметтік желіде видеолары тарады.
Қазіргі таңда Ақтайсай ауылына көлік қатынасы үзілген. Ауа райы күрт жылынып, қардың еруі салдарынан Таян өзені арнасындағы су көтеріліп, соңы тасқынға ұласқан. Тасқыннан елді мекенге қауіп жоқ.
Айта кетейік, былтыр да аталмыш өткелді су шайып кетіп, жөнделген болатын.
Р.Абай,
Қаратөбе ауданы
zhaikpress.kz
