12-14 мамыр аралығында Бәйтерек ауданында қол күресінен Батыс Қазақстан облысының чемпионаты оздырылды.
Облыстық чемпионатқа Орал қаласы және Ақжайық, Бәйтерек, Бөкей ордасы, Бөрлі, Жаңақала, Жәнібек, Казталов, Қаратөбе, Сырым аудандарының спортшылары қатысты. Жерлестеріміз облыстық чемпионатта топ жарып, жүлделі орындарға ие болды. Атап айтар болсақ, 70 келі салмақ дәрежесінде Ғасырбек Нағымов оң қолмен күресте жүлделі ІІ орын, Рахман Айтқали сол қолмен күресіп, жүлделі ІІІ орынға ие болды. Ал, Арман Кеңшіліков 75 келі салмақ дәрежесінде алтыннан алқа тақты. 90 келі салмақта ауданымыздың намысын қорғаған Бауыржан Бақыт сол қолмен күресте күміс жүлдеге, оң қолмен күресте алтынға ие болса, 65 келі салмақ дәрежесінде Мұратбек Аманов сынға түсіп, сол қолмен күресте үздік үштікті түйіндеп, оң қолмен күресте алтынға ие болды.
Бәйтерек ауданындағы облыстық чемпионат БҚО дене шынықтыру және спорт басқармасы мен БҚО гір спорты және қол күресі федерациясының мұрындық болуымен ұйымдастырылды.
"Ауыл айнасы"
zhaikpress.kz
