Бүгін Қадыр орталығында облыс әкімі Нариман Төреғалиев Қазақстан Жазушылар Одағының жергілікті мүшелерімен кездесті. Бұл жиынға облыс әкімінің орынбасары Бақытжан Нарымбетов, облыстық мәдениет, тілдерді дамыту және архив ісі басқармасының басшысы Сайран Дүйсенов және қоғамдық даму басқармасының басшысы Нұрділдә Ораз қатысты.
Алдымен Қазақстан Жазушылар Одағы БҚО филиалының директоры Бауыржан Халиолла жергілікті одақ мүшелерімен таныстырып өтті. Жергілікті одақ мүшелерінің қатарында жерлес ағамыз, Қазақстан Журналистер одағының мүшесі, ақын Закария Сисенғалидың болуы - біз үшін зор мақтаныш.
Облыс әкімі Нариман Төреғалиұлы қаламгерлердің шығармашылығына сәттілік тіледі. Бұдан соң аймақ басшысы жергілікті одақ мүшелеріне бір реттік стипендия тапсырды.
Өңір басшысынан алған сый - құрметіңіз құтты болсын, Закария Жүсіпқалиұлы! Жазарыңыз көп болсын!
Рая Жұмағалиева,
Жаңақала ауданы,
zhaikpress.kz
