Жаңақала ауданында 2023-2024 оқу жылының басты жаңалықтарының бірі – республика бойынша Біртұтас Тәрбие Бағдарламасының қолданысқа енгізілуі. Бағдарлама ұлттық мүдде, ар-ұят, талап деген үш құндылыққа негізделіп, ұлттық құндылығымызды дәріптеуге бағытталған. Осы бағдарламаның бір бөлімі – ата-аналарды педагогикалық қолдау. Жаңа бастаманы жүзеге асыру мақсатында Жаңақала ауданының 3 жалпы орта білім беретін мектебінде ата-аналарды педагогикалық қолдау орталығы құрылып, өз жұмысын бастап кетті.
Бағдарлама аясында педагогикалық қолдау сабақтары ұйымдастырылып, ата-аналардың мектепке сын айтып, мін тағуға емес, бала тәрбиесіне қатысты үлкен қолдау іздеп келуге деген ұмтылысына нық сенім ұялатуға анық қадамдар жасалды.
Ата-аналарды педагогикалық қолдау орталығы өз жұмысын әрі қарай табысты жалғастырарына сенімі мол.
Айзада Ақбасова,
Жаңақала ауданы
zhaikpress.kz
