Four Four Two порталы футболдан Чемпиондар лигасы тарихындағы ең үздік ойындар рейтингін жариялады. Тізімге жанкүйерлер есінен әлі күнге дейін ұмытылмаған 25 матч енген.
Фото: theguardian.com
Танымал порталы таңдауы бойынша бірінші орынға Ыстанбұлдағы финал орналасқан. 2005 жылы өткен "Милан" мен "Ливерпуль" арасындағы кездесу таңғаларлық нәтижемен жанкүйерлер есінде қалған еді. Бірінші таймда италиялық клуб 3:0 есебімен ұтып тұрса, екінші таймда ағылшындық команда таразы басын теңестіріп, есепті 3:3-ке жеткізеді. Ойын соңындағы пенальти сериясында мерсисайдтық клубтың жолы болып, жеңімпаз атанған еді.
Рейтингте екінші орынға 2016/17 жылғы маусымдағы "Барселона" мен ПСЖ арасындағы қарымта ойын енген. Бірінші ойында өз алаңында 4:0 есебімен жеңіске жеткен париждік команда қарымта кездесуде қарсыластарына 6:1 есебімен ұтылған болатын.
Үштікті 1998/99 жылғы Чемпиондар лигасы финалындағы "Бавария" мен "Манчестер Юнайтед" командалары арасындағы ойын түйіндеп тұр. Ол ойында 1:0 есебімен ұтып тұрған мюнхендік клубты "қызыл сойқандар" соңғы қосымша уақытта екі гол соғып сан соқтырып кеткен еді.
Үздік ойындардың толық тізімі:
1. "Милан" – "Ливерпуль" (3:3, 2:3 пенальтиден), 2004/2005-маусым.
2. "Барселона" – "ПСЖ" (6:1), 2016/2017.
3. "Манчестер Юнайтед" – "Бавария" (2:1), 1998/1999.
4. "Милан" – "Барселона" (4:0), 1993/1994.
5. "Депортиво" – "Милан" (4:0), 2003/2004.
6. "Монако" – "Реал" Мадрид (3:1), 2003/2004.
7. "Ювентус" – "Манчестер Юнайтед" (2:3), 1998/1999
8. "Аякс" – "Тоттенхэм" (2:3), 2018/2019.
9. "Боруссия" Дортмунд – "Малага" (3:2), 2012/2013.
10. "Вердер" – "Андерлехт" (5:3), 1993/1994.
11. "Реал" Мадрид – "Атлетико" (4:1), 2013/2014.
12. "Барселона" – "Манчестер Юнайтед" (3:1), 2010/2011.
13. "Ливерпуль" – "Олимпиакос" (3:1), 2004/2005.
14. "Челси" – "Барселона" (4:2), 2004/2005.
15. "Челси" – "Ливерпуль" (4:4), 2008/2009.
16. "Барселона" – "Интер" (1:0), 2009/2010.
17. "Манчестер Сити" – "Тоттенхэм" (4:3), 2018/2019.
18. "Аякс" – "Бавария" (5:2), 1994/1995.
19. "Ливерпуль" – "Барселона" (4:0), 2018/2019.
20. "Манчестер Сити" – "Монако" (5:3), 2016/2017.
21. "Монако" – "Депортиво" (8:3), 2003/2004.
22. "Интер" – "Арсенал" (1:5), 2003/2004.
23. "Барселона" – "Динамо" Киев (0:4), 1997/1998.
24. "Гамбург" – "Ювентус" (4:4), 2000/2001.
25. "Манчестер Сити" – "Реал" Мадрид (4:3), 2022/2023.
