27 қаңтарда халықаралық террористік ұйымның әрекетіне қатысы болуы мүмкін күдікті 22 жастағы қазақстандық Стамбулдан Алматыға қайтарылды.
ҰҚК баспасөз қызметінің хабарлауынша, Түркістан облысының тумасы 2020 жылы Сирияға кетіп, онда қарулы топтардың біріне кірген.
Оны ұстауды және отанына беруді ҰҚК түркиялық серіктестерімен бірлесіп, сондай-ақ Қазақстан Республикасының Бас прокуратурасы мен ІІМ-нің қолдауымен ұйымдастырды.
Ұсталғанға қатысты ҰҚК Қылмыстық кодекстің 257-бабына сәйкес террористік әрекетке қатысу фактісі бойынша қылмыстық іс текесеріліп жатыр.
Ол сот санкциясымен қамауға алынған.
