Алматы қаласындағы «Қазақ кітабы» баспасынан жақында «Ауылына жанашыр академик» атты кітап жарық көрді.
Ветеринария ғылымының докторы, профессор, академик Мәлік Шәлменов туралы үшбу кітап «Өткен күндер өрнегі», «Тұлғатану» және «Ғалымның хаты өлмейді» атты үш бөлімнен тұрады.
Осы кітапты оқи отырып, сіздер ғалымның балалық шағынан бастап күні бүгінге дейінгі өмірінен, еңбек жолы мен ғылыми ізденістерінен мол хабардар боласыздар. Жинақта үй жануарлары мен хайуанаттардан жұғатын әртүрлі ауру-сырқаудан сақтандыруды көздейтін мақала-материалдарда баршылық.
Мұндай профилактикалық сипатта жазылған ғылыми-көпшілік мазмұндағы дүниелер аталмыш кітаптың пайдалы әрекет коэффицентін көтере түсері кәміл.
zhaikpress.kz
