22.08.2024, 12:30
Оқылды: 82

US Open: Тимофей Скатов іріктеу сайысының финалына шықты

Әлемнің 190-ракеткасы, 23 жастағы Тимофей Скатов АҚШ ашық чемпионаты іріктеу сайыстарының финалына жолдама алды. Бұл туралы Olympic.kz жазды.

E599E6A2-8771-479D-9B02-A3A3C408974C

Сурет: Olympic.kz

Қазақстандық теннисші іріктеу сайыстарының жартылай финалында отандасы, әлемнің 218-ракеткасы Бейбіт Жұқаевқа қарсы ойнады.

Матчты Бейбіт сәтті бастады – 6:3. Екінші сетте тай-брейкте таразы басы Скатовқа ауды – 7:6 (7:5). Үшінші, шешуші партияда Тимофей күш алып кетті – 6:1.

Тимофей Скатов іріктеу сайыстарының финалында әлемнің 104-ракеткасы, ұлыбританиялық, 29 жастағы Билли Харриспен шеберлік байқасады. Оны жеңсе, АҚШ ашық чемпионатына жолдама алады. 

Тағы бір қазақстандық, рейтингіде 207-сатыдағы Денис Евсеев іріктеу сайысында екінші кездесуінде әлемнің 130-ракеткасы, нидерландылық Йеспер де Йонгтан жеңіліп қалды – 3:6, 2:6.

Узнайте первым о важных новостях Западного Казахстана на нашей странице
в Instagram и нашем Telegram - канале