Бүгінгі республикалық референдумда Қазақстан Республикасы саяси партияларының, өзге де қоғамдық бірлестіктерінің, коммерциялық емес ұйымдарының байқаушылары, бұқаралық ақпарат құралдары өкілдері бақылаушы болып отыр.
Подстепный ауылындағы №360 учаскесінің бақылаушысы, "Ғасыр" қоғамдық бірлестігінің еріктісі Зухра Бақытжанова:
– Референдум ешқандай құқық бұзушылықсыз өтуде. Барлығы заң аясында жүзеге асуда. Конституциялық Заңның 20-1 бабының 2-тармағына сәйкес байқаушының құқықтары ескеріледі. Міндеттерді де естен шығаруға болмайды. Жалпы бақылаушы ретінде айтарым, Заң мен әдептің сақталуы басты назарда болуы тиіс. Біз осының арқасында өрескел әрекеттерге жол бермейміз,- деді өз сөзінде Зухра Бауыржанқызы.
Бақылаушы баяндағандай, референдумның ойдағыдай өтуі өзіміздің құқықтар мен міндеттерді жетік меңгеруге байланысты.
Ақтілек Әлібекұлы,
Теректі ауданы
