IX қысқы Азия ойындары 2025 жылдың 7-14 ақпан аралығында Қытай Халық Республикасы Хэйлунцзян провинциясының Харбин қаласында өтеді. Бұл туралы Қазспорт жазды.
Сурет: Қазспорт
Дүбірлі додаға 34 елден 1500-ге жуық спортшы қатысуға өтініш беріп үлгерген. Бұл тарихта ең көп ел қатысқан қысқы Азиаданың бірі болмақ.
Спортшылар 12 спорт түрі бойынша 64 медаль жиынтығын сарапқа салады.
Айта кетейік, қысқы Азия ойындары Харбинде екінші рет өткізілгелі отыр. Бұған дейін 1996 жылы өткен ІІІ қысқы Азия ойындарында Қазақстан құрамасы 14 алтын, 9 күміс, 8 қола (барлығы 31) жүлдемен жалпы есепте 2-орын иеленген еді.
