Биыл Жәнібек ауданы бойынша үй кезегінде тұрған әлеуметтік осал топтағы отбасыларға арнап, «Тұрғын үй-коммуналдық инфрақұрылымды дамытудың 2023 жылдан 2029 жылға дейінгі» тұжырымдамасына сәйкес құрылысы жоспарланған 38 баспананың 28-іне қаржы бөлініп, қазіргі таңда 15 тұрғын үйдің кілті табысталған болатын. Қалған 13 пәтер жыл аяғында пайдалануға беріледі деп жоспарланып отыр.
Аудан әкімі Тимур Шиниязов пен оның орынбасары Жақсылық Абдолов Ұзынкөл мен Жәнібек ауылдарында құрылысы жүріп жатқан тұрғын үйлерге барып, құрылыс барысын қадағалады.
Құрылысты жүргізіп жатқан мердігер һәм ауыл тұрғындарына жұмысты сапалы әрі уақытында бітіру керектігін тапсырды.
Айта кету керек, аталған ауылдардағы құрылыс жұмыстарға жергілікті жерден 10 адам жұмысқа тартылды.
Гүлзара Мәди
Жәнібек ауданы
