Шыңғырлау ауданы Ақсуат ауылына сапар «Жайық Пресс» ақпарат агенттігінің түсірілім тобы үшін ерекше оқиғалармен есте қалды. Ауыл тұрғындарының қонақжайлылығы мен әңгімелері, адамдардың жайдары жүздері контент түсіру үшін шабыттандыра түсті.
Ал сапарымыздың басты бағыты – Сарқырама. Халық аузында «Ең кішкентай сарқырама» аталып кеткен жер алақандай болса да әдемі. Табиғатқа көрік беріп тұр. Сарқыраманы ХХ ғасыр басында Нармағамбет болыс үйір жылқысын суару үшін салдырыпты.
Сарқырамаға апарар жолда бірнеше қызықты жағдайлар болды. Көлік кейбір жерлерде қарға батып қалғандай болды. Бірақ техниканың көмегімен бәрін жеңіп шықтық. Жолда жүргенде табиғаттың тамаша көріністері мен тыныштығын сезініп, сәл демалып та алдық. Бұл жол өте қиын әрі қызықты болды, бірақ мақсатымызға жеттік!
Фотоға түсірген: Мейірбек Тажқұранов
zhaikpress.kz
