Орал қаласында «BM Progect» шығармашылық жобалар орталығының ұйымдастыруымен «Жеті қазына» республикалық көпжанрлы өнер байқауы өтті.
Би өнерін жан-жақты дамытып,би ұымдарының шығармашылық қатынастарын нығайту мақсатында оздырылған өнер додасында еліміздің түкпір-түкпірінен келген бишілер әртүрлі деңгей бойынша сынға түсті. Бәсі биік бәсекеде жас дарындардың орындау шеберліктерімен қоса сахна мәдениетін сақтауы да қазылар алқасының назарына алынды.
Сайыс қорытындысында жаңақалалық жетпіс бишіге жетекшілік етіп барған Лунара Нұрланқызының еңбегі еш кетпей, Жаңақала ЖОББ мектебінің жанынан құрылған «Нұрбибі» би ұжымының үлкен тобы «Гүл көктем» биімен І орынды, кіші тобы «Барби» биімен Гран Приді жеңіп алды. Ал орта тобы «Оймақтар» биімен І орынға және «Андижан полькасымен» ІІІ орынға лайық деп танылды. Қандай байқау болмасын, жүлдесіз қайтпайтын ұжымның жетекшісі Лунара Қанатова - Менің ойымша, бұл біздің би ұжымының лайықты жеңісі. Үздіктер жиналған додада көрермен көзайымына айналып, әділқазылардың оң бағасын алу оңайға соққан жоқ. Осы орайда үлкен қолдау танытқан ансамбль мүшелерінің ата-аналарына алғыс айтқым келеді, - дейді.
Орын иегерлеріне дипломдар, арнайы кубоктар мен медальдар табыс етілді.
Айзада Ақбасова,
Жаңақала ауданы
