Қазақстан Республикасы Мемлекеттік қызмет істері агенттігінің Батыс Қазақстан облысы бойынша департаментінде жас мемлекеттік қызметшілерге кәсіби тәжірибе мен құндылықтарды жеткізуді мақсат еткен мемлекеттік қызмет ардагерлерінен құралған Тәлімгерлер кеңесінің отырысы өтті.
Іс-шараға таяуда ғана мемлекеттік қызметке тағайындалған жас мамандар арнайы шақырылып, тәжірибелі мамандармен ашық пікір алмасуға мүмкіндік алды. Жас қызметшілер алғаш рет қызмет жолын бастаған ардагерлердің әңгімесін тікелей тыңдап, көкейлерінде жүрген маңызды сұрақтарына жауап алып, құнды кеңестерге қанықты.
Отырыс барысында сөз сөйлеген Департамент басшысы Мұрат Байсалов: «Тәлімгерлік – мемлекеттік қызметтің өткен мен келешегін жалғайтын тірі көпір. Шынайы сұхбаттар, өмірлік тәжірибе мен адамгершілік бағдар арқылы біз тек білім ғана емес, мемлекетке қызмет етудің мәнін жеткіземіз», – деп атап өтті.
Мемлекеттік қызметтің ардагерлерлері қатардағы маманнан бастап, басшылық лауазымдарға дейінгі жолдарын сипаттап, сол жолда көмектескен қағидалармен бөлісті. Ашық диалог барысында қызметтік әдепті сақтау, сабырлылық таныту, халық мүддесі үшін жұмыс істеу қабілеті секілді маңызды мәселелер талқыланды.
Ли Куан Юдың «Сабақтастық – бұл көшіру емес, бұл – даналықпен жалғасу», деген қағидасы Кеңес жұмысының басты философиясымен үндеседі.
Жас мемлекеттік қызметшілер мансаптық өсу, бастамашылдық пен нұсқаулықтарға бағыну арасындағы тепе-теңдік, ұжыммен тиімді жұмыс істеу жөнінде сұрақтар қойды.
Мемлекеттік қызметтегі ұзақ жылғы еңбегін аяқтап, зейнеткерлік демалысқа шыққан Бәйтерек ауданы әкімінің аппараты кадр қызметінің басшысы С.К. Измұхановаға, облыстық Санитариялық-эпидемиологиялық бақылау департаментінің бөлім басшысы Г.Қ. Санқаеваға және Мемлекеттік мүлік және жекешелендіру жөніндегі өңірлік департамент басшысы Р.Р. Мазитоваға .Р. Мазитова отырыста назар ерекше болды.
Кеңестің мүшесі Ғ. Қапақов тәлімгерлердің рөлін айрықша атап өтіп: «Мемлекеттік қызмет зейнетке шыққан сәтте аяқталмайды — ол кейінгі буынға тәжірибе беру және қолдау көрсету арқылы жалғасады», – деді.
Сондай-ақ, халық даналығы да нақты айтады: «Қызметкер тәлімгерден үйренбесе, лауазымның өзі оны тәрбиелей алмайды». Бұл қағидат Кеңесші-наставниктер кеңесі қызметінің өзегін нақты бейнелейді.
Департамент жанындағы Тәлімгерлер кеңесі жас мамандарға кәсіби және адами тұрғыдан қолдау көрсететін маңызды институт ретінде жұмысын жалғастыра береді. Оның жұмысы сабақтастықты сақтауға, кәсіби әдептілік пен азаматтық ұстанымды нығайтуға бағытталған.
Қазақстан Республикасы Мемлекеттік қызмет істері агенттігінің
Батыс Қазақстан облысы бойынша департаменті
