«Ақ бидай – 2025» ауыл спорты ойындарында өңір намысын қорғап жатқан спортшылар арасында аударыспақ шеберлері сәтті өнер көрсетіп жатыр. Жарыстың екінші күні 80, 87, 94, 100 және +100 келі тартатын ат үстіндегі палуандар медаль таласына түсті.
Нәтижесінде 94 келі салмақ дәрежесінде бақ сынаған Рүстем Қойбағаров финалға дейін жетті. Өкінішке орай, ақтық сында Алматы облысының палуанымен болған жекпе-жекте сәл ғана сәттілік жетіспей, күміс медаль иегері атанды.
- Ақтөбе, Түркістан облысының палуандарымен белдестім. Мұндай үлкен сайыста жеңіл қарсылас болмайды. Финалда белдесуге дейін барғанбыз. Өкінішке орай, сәттілік қарсыласымның жағында болды. Алдағы додаларда жеңіске жету үшін барымды саламын,- деді Рүстем палуан.
Түгелбай Бисен
«Орал өңірі»
