10 қазан күні Ақтөбе қаласында қазақтың ұлы композиторы, әйгілі дирижер Нұрғиса Тілендиевтің 100 жылдығына арналған ансамбльдер мен жеке орындаушылар арасындағы республикалық байқау өтті. Байқауға еліміздің түкпір-түкпірінен келген өнер ұжымдары мен дарынды орындаушылар қатысып, өз өнерлерін ортаға салды.
Бұл додада Қазталов аудандық мәдениет үйінің Халықтық «Гүлдерайым» ансамблі жоғары өнер көрсетіп, «Дипломант» атағын иеленді. Ансамбльдің жетекшісі — Нұрия Самиғоллақызы Хабибулина. Музыкалық сүйемелдеушісі — Өтеген Төлепұлы Шоқпанов.
Сондай-ақ жеке орындаушылар арасындағы байқауда Сыйлық Асқарқызы Құсайынова өз шеберлігін танытып, ІІ орын лауреаты атанды.
Бұл жетістік — аудан мәдениетінің дамуына үлес қосып жүрген өнерпаздардың еңбегінің жемісі. Ұжымның республикалық деңгейдегі табысы жас буынға шабыт беріп, ұлттық өнердің өрісін кеңейтуге үлкен серпін берері сөзсіз.
Нұр Рахман
Казталов ауданы
