Қала көшелерін патрульдеу бағыты бойынша қызмет атқарып жүрген әскери наряд Орал қаласында қырағылық пен жеделділік танытты.
Шамамен сағат 17:35-те әскери қызметшілердің бірі жоғалған ұялы телефонды тауып алды. Ойланбастан, ұландықтар табылған мүлікті заңды иесіне қайтару үшін барлық қажетті шараларды қабылдады. Оқиға туралы дереу 5517 әскери бөлімінің кезекші қызметіне хабарланып, бұл белгіленген тәртіп пен қызметтік регламенттің қатаң сақталғанын көрсетті.
Аталған жағдайда 5517 әскери бөлімінің 1-жедел мақсаттағы батальонының әскери қызметшілері — қатардағы Аман Насипкалиев, Николай Квитко және қатардағы Александр Зайцев ерекше көзге түсті. Олардың іс-әрекеті Ұлттық ұлан әскери қызметшілеріне қойылатын жоғары талаптарға сай жеке жауапкершілік деңгейі мен адалдық қағидаттарына берік екенін айқын аңғартады.
Мұндай мысалдар «Батыс» өңірлік қолбасшылығына қарасты әскери бөлімдерде қызметтің тәртіп, адалдық және азаматтарға деген құрмет негізінде жүзеге асырылатынын дәлелдейді. Әрбір әскери қызметші қоғамның мемлекеттік институттарға деген сенімін нығайтуға өз үлесін қосуда.
Қазақстан Республикасы ІІМ Ұлттық ұланы
«Батыс» өңірлік қолбасшылығының баспасөз қызметі
