Бүгінде елімізде жеңілдетілген несие, қайтарымсызгрант секілді тиімді бизнес бағдарламалары баршылық. Әсіресе, «Бастау Бизнес» жобасы көптеген кәсіпкергежол ашты. Соның арқасында елімізде орта және шағынбизнеспен айналысатындар қатары көбейіп келеді.
Бұл жоба арқылы көпбалалы отбасылар да, мүмкіндігі шектеулі жандар да, асыраушысынан айырылғандар да грантқа қол жеткізіп, кәсіптерін дөңгелетіп,басқаларға да жұмыс беріп отырғандары қаншама?!
Аталған жоба аясында еліміздің кәсіпкерлік саласыжаңа кәсіп иелерімен жылма жыл толыға түсуде.Солардың бірі ауданымыздағы кәсіпкер келіншек – Әйгерім Жұмашева.
Ысталған жылқы етіне сұраныс жоғары
Әйгерім жылқының етінен шұжық, қазы дайындап, ыстап сатады. Дәмі тіл үйіретін жылқы етіне сұраныс жоғары.
Қазір олар жылқының етінен шұжық, қазы, жая дайындап, ыстайды. Өнімге ешқандай жасанды қоспа қосылмайды, яғни жүз пайыз табиғи.
Ет қалай ысталады?
«Дайындалған өнімнің барлығы жүз пайыз табиғи қоспадан тұрады. Басты мақсат — сапалы азық дайындау. «Адал» депатаған шағын дүкеніміздің жұмысына сын айтылмауы үшін, қандай өнім болмасын, сапасының жоғары болуына мәнбереміз», - дейді кәсіпкер.
Табиғи таза еттен жасалған өнімнің бағасы әртүрлі. Мәселен, қазының келісі 13000 теңгеболса, жая - 10000 теңге тұрады.
— Қазір тұрғындар жылқы етінің пайдасын түсінді. Жоғарыда айтып кеткенімдей, біздің қала ғана емес, өзге облыстардан да тапсырыс түседі. Сатылым үшін көбіне әлеуметтік желінікөбірек пайдаланамыз. Біздің бабаларымыз жылқы етініңпайдасын әу бастан білген ғой. Жылқы мен қазақты бөліпқарамайтыны да содан болар. Ұрпағының саулығы үшін де өздері дұрыс тамақтанып, көбіне қой мен жылқы еттерін тұтынған деп көп естейміз де, кейде оқып та қалып жатамыз ғой,-деді сөзін толықтырған кәсіпкер келіншек.
Етті ыстаудың сапасы ағашты жаққан кезде пайда болатын түтін ерекшелігіне байланысты екен.
Ыстау аппаратының жанындағы арнайы отын салатын бөлігіне, ыстауға арналған дайын отынды салып жағады. Яғни тағамды ыстау кезінде оған алма мен өрік жапырақтары араластырылып дайындалған отын қолданылады. Өйткені, олардан бөлінетін түтін ысталған тағамға ерекше жағымды дәм мен иіс береді екен.
P/S: Әйгерім жұмылса бір жұдырық болған 5 баланың анасы. Яғни көп балалы ана. Әзірге олар мектеп жасында. Бәрі де оқу озаттары. Балаларының әжесі (енесі) да Әйгерімнің сөзінше, балаларының кәсіптерінің алға жылжуына қолдау білдіріп отырады.
Кәсібін де, отбасын да дөңгелетіп отырған осындай іске икемді, алғыр келіншектерді көргенде жүрегің жылып,көңілің кәдімгідей көтеріле түседі екен.
Сәнім Меңдібай
Бөрлі ауданы
