Батыс Қазақстан облыстық полиция департаменті мәлім еткендей, 25 наурыз сағат 10:28-де Ақжайық ауданының Қарауылтөбе ауылынан 30 шақырым қашықтықта, Аққайыр нүктесі маңында ұшқышсыз ұшу аппаратының (БПЛА) құлаған. Оны осы жерде мал жайып жүрген малшылар тауып, әкімдікке хабар берген. Ұшқышсыз ұшатын аппараттың ұзындығы – 4 м 10 см, ені – 3 м 30 см.
Алдымен Аққайырға Ақтөбе қаласынан ҚР Қорғаныс министрлігі қызметкерлері келіп, тексеру жұмыстарын жүргізді. Сағат 19:25-те полиция департаментінің қызметкерлері аппаратты сол жерде жарып, жойып жіберді. Жою орны қауіпсіз деп танылып, барлық әрекеттер тиісті органдармен келісіле атқарылған.
Қарауылтөбеда табылған ұшқышсыз ұшу аппаратының маркасы – Иранда шығарылған «Араш-2».
Оқиға орнына арнайы қызметтер: төтенше жағдай департаменті күштері, учаскелік инспектор, жедел-тергеу тобы, прокуратура, БҚО ПД тергеу басқармасы, ОКУ, БҚО ПД УТВ, ҚР ҚМ (15 қызметкер, 4 техника), сондай-ақ әуе кемесі (тікұшақ) шыққан.
Оқиғаның барлық мән-жайы анықталып жатыр, – деп хабарлады департаменттің баспасөз қызметі.
Әлия Шарапиева
Ақжайық ауданы
