Бөкей ордасы әкімі Нұрлыбек Даумовтың төрағалығымен көпбалалы аналарды мемлекеттік наградамен марапаттауға арналған салтанатты жиын өтті.
Аталмыш жиынға әкім орынбасары Кенесары Нұршинов, аудандық мәслихат төрағасы Лариса Қайырғалиева және тиісті сала басшылары мен қызметкерлері қатысты.
Өз кезегінде Нұрлыбек Жасқайратұлы:
- Бүгінде Қазақстан Республикасында көпбалалы отбасыларды қолдау- мемлекеттік әлеуметтік саясаттың маңызды бағыттарының бірі болып табылады. Осы бағытта көпбалалы отбасыларға жан- жақты қолдау көрсету, мемлекеттік жәрдемақылар мен әлеуметтік төлемдер тағайындау, жұмыспен қамтуға жәрдемдесу, салықтық жеңілдіктер беру, сонымен қатар, аналар мен балалардың әл- ауқатын арттыруға бағытталған өзге де әлеуметтік қорғау шаралары жүзеге асырылуда.
Осы әлеуметтік қолдау шараларының бірі- алты және одан да көпбала тәрбиелеп отырған аналарды мемлекеттік наградалармен марапаттау. Бұл- аналардың қажырлы еңбегіне, отбасы тәрбиесіне қосқан үлесіне және қоғам алдындағы зор еңбегіне көрсетілген ерекше құрмет, - деп алтын құрсақты аналарға алқаларын табыстады.
ҚР Президенті Қасым-Жомарт Тоқаевтың 2026 жылғы 26 ақпандағы №1184 Жарлығына сәйкес жеті бала дүниеге әкеліп, тәрбиелегені үшін «Алтын алқа» алқа ордалық Зульфия Губашеваға, күміс алқа сайқындық Жұлдыз Әбдірешова мен саралжындық Жазира Күлбаеваларға табысталды.
Жиын барысында аудандық мәслихат төрағасы Лариса Қайырғалиева да көпбалалы аналарды марапаттарымен құттықтап, игі тілегін білдірді.
Еркебұлан Бисенғалиев
Суретке түсірген автор
