Tengri Life-тың хабарлауынша, шілде айында Астана күніне байланысты қазақстандықтар қосымша демалыс алып, қатарынан бірнеше күн тынығу мүмкіндігіне іе болады.
Фото: istockphoto.com
6 шілдеде атап өтілетін Астана күні заң бойынша ресми мереке болып саналады және ел тұрғындары үшін демалыс күні ретінде бекітілген. Мерекелік күннің дүйсенбіге сәйкес келуі айдың басындағы аптааралық демалысты ұзартуға таптырмас мүмкіндік беріп отыр.
Осылайша, бес күндік жұмыс аптасымен еңбек ететін қазақстандықтар 4 шілде (сенбі), 5 шілде (жексенбі) және 6 шілде (дүйсенбі) күндерін қоса алғанда, қатарынан үш күн қатарынан демалады. Ал алты күндік жұмыс кестесімен істейтін азаматтар үшін 4 шілде кәдімгі жұмыс күні болып қалады, бірақ олар да 5 және 6 шілде күндері қатарынан екі күн тыныға алады.
Сонымен қатар мамандар шілде айын еңбек демалысына шығу үшін ең тиімді әрі қолайлы кезеңдердің бірі деп бағалап отыр. Бұл айда 22 жұмыс күні бар, бұл — жыл ішіндегі ең жоғары көрсеткіштердің бірі. Жұмыс күндерінің көп болуына байланысты, дәл осы айда қызметкерлердің алатын жалақысы мен демалыс ақысының арасындағы қаржылай айырмашылық өте аз болады.
