Бүгін Теректі ауданында өтіп жатқан Құрылтай депутаттарын сайлауда ауданның өнер ұжымдары да азаматтық белсенділік танытуда.
Құмақсай ауылындағы №355 сайлау учаскесіне «Алтын бесік» қазақ этно-мәдени бірлестігінің мүшелері бірге келіп, дауыс берді. Бірлестік мүшелері өз таңдауларын жасап, сайлауға ұйымшылдықпен қатысты.
Ал Подстепное ауылында «Япурай» халықтық әжелер ансамблінің мүшелері №360 сайлау учаскесіне ерекше көңіл-күй сыйлады. Ақ жаулықты әжелер ән шырқап, шашу шашып, ұлттық дәстүрді дәріптеді. Кейін өздері де дауыс беріп, азаматтық белсенділіктерін көрсетті.
Осылайша ауданның мәдени өміріне белсене араласып жүрген өнерпаздар сайлау күні де көпшілікпен бірге өз таңдауларын жасады.
Теректі ауданындағы сайлау учаскелерінде дауыс беру жалғасуда.
Ә. Ғазизова
Теректі ауданы
