Азаматтық сана мен жауапкершілік әр адамның өз елін сүюінен басталады. Ел болашағын айқындайтын маңызды саяси науқанда жас буын да белсенділік танытуда.
Теректі ауданы, Ақсоғым ауылында 18 жастағы Ануар Жақсығалиев сайлауға алғаш рет қатысып, өз таңдауын жасады. Осылайша ол саяси науқанға өз үлесін қосты.
Кемер ауылында 18 жасқа толған Лунара Бисенгалиева да алғаш рет дауыс берді. Жалынды жас маңызды науқаннан шет қалмай, азаматтық ұстанымын көрсетті.
Ал Шағатай ауылында Анель Бекбаева саяси науқанға алғаш рет қатысып, ел болашағы үшін өз таңдауын жасады.
Жастардың бұл қадамы – өскелең ұрпақтың отаншылдық сезімі мен азаматтық белсенділігінің айқын көрінісі.
Қ. Саясатова,
Теректі ауданы
