Бөрлі ауданында сайлау науқаны жалғасуда. Осы уақытқа дейін 13 мыңнан астам тұрғын өз таңдауын жасап үлгерді.
№77 сайлау учаскесіне 80 жастағы Дәметкен Маулетова мен 88 жастағы Роза Мурзабекова келіп, өз таңдауларын жасады. Комиссия төрағасы әжелердің әрдайым сайлаудан қалмайтынын атап өтіп, оларға сый-сыяпат табыстады.
Еліміздің болашағына бейжай қарамайтын кейуаналардың белсенділігі көпшілікке үлгі. Қариялар елдің ертеңі үшін әр азамат өз таңдауын жасап, қоғамдық маңызы бар науқанға белсенді қатысуы қажет екенін атап өтті.
Әжелер елдің тыныштығын, жұрттың амандығы мен деніміздің саулығын тілеп, ақ баталарын берді.
Айдана Абдрахманова
Бөрлі ауданы
