Тасқала ауданының «Жас сайлаушылар» клубының мүшелері №333 учаскесіне келіп, құрылтайға белсенді қатысуда. Жастар ел өміріндегі маңызды қоғамдық-саяси үдеріске жауапкершілікпен қарап, өз азаматтық ұстанымдарын білдіруде.
Құрылтайға қатысу арқылы жас буын өкілдері ел болашағына бейжай қарамайтындарын көрсетіп, азаматтық белсенділіктерін танытуда. Олар өз таңдауын жасап, қоғам үшін маңызды мәселелерге атсалысудың маңыздылығын түсінетіндерін аңғартуда.
2023 жылы құрылған аудандық «Жас сайлаушылар» клубы жастардың қоғамдық-саяси белсенділігін арттыруға және азаматтық жауапкершілігін қалыптастыруға бағытталған. Бүгінде клубтың белсенді жастары өз қатарластарына үлгі көрсетіп, елдегі маңызды қоғамдық-саяси науқандарға белсене қатысып келеді.
Жастардың құрылтайға белсенді қатысуы – ел болашағына деген жауапкершіліктің және азаматтық белсенділіктің айқын көрінісі.
Гулмира Мақанова
Тасқала ауданы
