Орал қаласына 29-30 қыркүйек күндері өтетін дәстүрлі ән орындаудағы жаһандық рекордтық көрсеткішті жаңартуға арналған ауқымды жобаның қонақтары келіп жетті.
Атап айтқанда, бұл шараға «Парасат» орденінің иегері, Қазақстанның еңбек сіңірген қайраткері Хатимолла Бердіғалиев пен «Құрмет» орденінің иегері, ҚР Мәдениет саласының үздігі Қайрат Кәкімов қатысады.
Қадірлі меймандар қатарында Қазақстанның еңбек сіңірген қайраткері, филология ғылымдарының кандидаты, фольклортанушы ғалым, эпик-жыршы Берік Жүсіпов, Азия мен Африка елдерінің рекордтық көрсеткіші бойынша 114 әнді тоқтаусыз орындап, рекорд жаңартқан дәстүрлі әнші Бақыт Шағырбаев, Қазақстанның еңбек сіңірген қайраткері, қобызшы-күйші Саян Ақмолда және ҚР Мәдениет саласының үздігі, жыршы-термеші Аманқос Садықов бар.
Өнер иелерін Ғ. Құрманғалиев атындағы облыстық академиялық филармониясы директорының орынбасары Мәди Сабыр бастаған ұжым ақ дәм ұсынып, зор ілтипат көрсетті.
Айжан Бауыржанқызы,
ҚР Журналистер одағының мүшесі
