Орал қаласындағы кафедегі тамақтан уланғандардың саны 26 адамға жетті. Олар облыстық жұқпалы аурулар ауруханасына түсті, деп хабарлайды облыстық денсаулық сақтау басқармасының баспасөз хатшысы Флюра Саматова.
Олардың ішінде кішкентай 4 жасар балаға дейін бар. Бәріне өткір гастероэнтероколит деген диагноз қойылған. Жағдайлары орташа ауыр дәрежеде. Барлығы да Д.Қонаев атындағы шағынаудандағы «М6» сауда үйінде орналасқан «Бургер стрит+» кафесіндегі тез дайындалатын бургерлермен тамақтанғаны анықталды.
