Сыбайлас жемқорлыққа қарсы қызмет алаяқтық және пара беруге итермелеу фактісі бойынша К. Алтаевқа қатысты сотқа дейінгі тергеуді аяқтады.
Қазақстан Республикасы Сыбайлас жемқорлыққа қарсы іс-қимыл агенттігінің хабарлауынша, ол кәсіпкерді аса ірі мөлшерде пара беруге итермелеп, Қарағанды облысындағы кен орнына жер қойнауын пайдалану келісімшартын ұзарту үшін лауазымды тұлғаларға беруді сылтауратып 1 млн АҚШ долларын жымқыруға әрекет жасады деп айыпталып отыр.
Айыпталушы К. Алтаев сотқа берілді.
Қылмыстық-процестік кодексінің 201-бабына сәйкес өзге ақпаратты жариялауға болмайды.
