Бүгін Аустрияда дзюдодан әлемдік Гран-при кезеңі басталды. Дүние жүзінің 52 елінен келген 416 татами шеберлерінің жарысында қазақстандық дзюдошылар да өнер көрсетуде.
Жарыстың алғашқы күні 48 келіге дейінгі әйелдер сынында Абиба Абужақынова белдесті. Ол жартылай финалға дейін жапон қызы Мизуки Хараданы, ширек финалда татами иесі Спрингер Жаклинді, жартылай финалда нидеолалдтық Амбер Херсьесті жеңді.
Қазақстандық дзюдошы финалда жапониялық Сачио Ёшиномен кездесіп, айқын басымдықпен жеңіске жетті.
Айта кетейік осы сайыс Абиба Абужақынованың жаңа маусымдағы алғашқы жарысы және алғашқы алтыны.
Түгелбай Бисен
«Орал өңірі»
