«English for Jastar» – ҚР Тұңғыш Президенті Нұрсұлтан Назарбаевтың үштілділікті енгізуге бағытталған ауқымды бағдарламасын қолдау мақсатында әзірленген жоба. Ол оқушыларға ағылшын тілін тез үйренуге көмектеседі.
«Jas Otan» жастар қанатының ұйымдастыруымен өткізілетін жобаның мақсаты – 7 мың оқушыға ағылшын тілін үйрету. Қазақстанның барлық ауылдық округтері мен аудан орталықтарында «English for Jastar» жобасы аясында 6-9-сынып оқушыларына арналған тегін қосымша курстар басталды.
Биыл Батыс Қазақстан облысы бойынша үш аудан (Жаңақала, Бөкей ордасы, Казталов) жоба жұ-
мысына кірісті. Жалпы саны 250-ден астам оқушы жоба бойынша білім алуда. Сабақты ағылшын тілін меңгерген еріктілер мен отандық мамандар жүргізеді. Оқыту курсы мектептен тыс орталықтарда, коворкингтерде аптасына үш рет өтетін болады. Ерікті педагогтер өздерінің әдіс-тәсілдерімен және жаңадан үйренген методикаларымен бөлісіп, сабақты ерекше сипатта өткізуге дайын.
– Мен бұл жоба туралы әлеуметтік желіден естідім. Биыл осындай маңызды жобаға қа-
тысқаныма, ауыл балаларының ағылшынша сауатын ашып, олардың дамуына үлес қосқаныма өте қуаныштымын. Маған ұсыныс жасап, қолдау білдірген жандарға алғысым шексіз, – деді Казталов ауданының Ақпәтер ауылында курс жүргізетін жас маман Жанаргүл Әткешова.
Гауһар Бақытжанова,
«Jas Otan» жастар қанаты БҚО филиалы менеджері
