53 және 21 жастағы азаматтар бір мекемеде жұмыс істеген. Олар 14 желтоқсанда «Нива» көлігімен Темір ауданына балық аулаймыз деп кеткен, деп хабарлады Ұлттық арна.
Олар хабарсыз кеткен соң туыстары полицияға жүгінді. Сүңгушілер марқұмдардың денесін Кенжалы өзенінен алып шықты.
«Алдын-ала мәлімет бойынша «Нива» жоғары жылдамдықпен келе жатып, көпірден өзенге құлап кеткен. Бұл факті бойынша сотқа дейінгі тергеу басталды», деді облыстық полиция департаменті баспасөз қызметінің жетекшісі Ерболат Сарқұлов.
