Жақында Астанада «Педагогикалық идеялар панорамасы» республикалық байқауының салтанатты марапаттау рәсімі өтті.
«Педагогикалық идеялар панорамасы - 2023» республикалық бейнесабақтар мен бейнедәрістер байқауының қорытындысы жарияланды.
Байқауға 1000-нан астам педагог қатысып, олардың 100-і үздік деп танылды.
Салтанатты жиынға оқу-ағарту министрлігі орта білім беру комитетінің төрағасы Қаныбек Жұмашев, «Өрлеу» біліктілікті арттыру ұлттық орталығының төрағасы Еламан Айбульдинов қатысты.
Жеңімпаздар арасында батысқазақстандық ұстаздар да жүлделі үшінші орынды иеленген болатын.
Аружан Аскарова, Айбек Кинешов Д. Қонаев атындағы №44 мектеп-гимназиясының мұғалімдері (Математикалық сауаттылық), №41 мектеп-лицейінің мұғалімдері Назерке Боранбайқызы мен Гүлдария Куанышкалиева (Медиа-ақпараттық сауаттылық) , эстетикалық бағыттағы гимназия мұғалімі Гульайм Сагиева (Оқу сауаттылық), Бөрлі ауданы Ақсай қаласының №2 ЖОББМ-тің мұғалімі Гауһар Нияр (Мәдениетаралық сауаттылық) және Бәйтерек ауданы Жамбыл мектебінің мұғалімі Айгуль Абдрахманова «Youtube-те ең көп қаралған бейнематериал үшін» номинациясын иеленді.
Байқауда жүлделі орын еншіленген ақжайықтық ұстаздар қаржылай сыйақы алды.
Толқын Габдушева,
«Өрлеу» БАҰО» АҚ «БҚО КДИ» филиалы,
PR SMM маманы
