«Хабар» телеарнасының эфирінде «Асыл домбыра» жобасы жалғасады. Бұл командалық сайысқа еліміздің әр қаласы мен облысының құрамалары қатысады. Әр командада үш ақын болады.
Суреттер: Мақсат Құсайын
Жобаның мақсаты – жастардың айтысқа қызығушылығын арттыру, айтысты басқа қырынан көрсету, тың идеялармен байытып, жаңа форматта көрермен назарына ұсыну, сол арқылы көрерменді айтысқа тарту.
Жаңа маусым қыркүйек айында басталады. «Асыл домбыра» тележобасы әр сенбі көрерменмен қауышады.
Тележобаны белгілі ақын, ҚР Парламенті мәжілісінің депутаты Ринат Зайытов жүргізеді.
Айта кетейік, былтыр аталған тележобада БҚО құрамасы топ жарған болатын.
Кәмила Аманова
