Облыс әкімі Нариман Төреғалиевтің айтуынша, 405 ауылды елді мекеннің 343-і, яғни 85% интернетке қол жеткізді. Халық саны 50-ден төмен ауылдарды интернетпен қамтамасыз ету үшін 24 ауылға OneWeb спутниктік технологиясының станциясы орнатылуда. Сондай-ақ, 5G стандартындағы 77 базалық станция іске қосылды.
«Интернет сапасын одан әрі жақсарту мақсатында «Қолжетімді интернет» ұлттық жобасы аясында 2027 жылға дейін 220 ауыл талшықты-оптикалық байланыспен қамтылады», - деді спикер ОКҚ алаңында өткен баспасөз конференциясында.
