ҚР Ақпарат және қоғамдық даму министрлігінің қолдауымен «Қазақстандық қоғамдық даму институты» КеАҚ «Балалар жылы» аясында балалардың кітап оқуға деген құштарлығын арттыру мақсатында және облыстық білім басқармасының 2022 жылғы 6 қыркүйектегі №710 бұйрығына сәйкес «Балалар әлемі» жобасы шеңберінде Республикалық «Балалар оқуы» байқауының облыстық кезеңі ұйымдастырылды. Облыстық кезеңде аудандық және қалалық кезеңдердің жеңімпаздары мен облыстық мектептерден барлығы 55 оқушы бақ сынады.
Нәтижесінде 3-4 сынып оқушылары арасында І орынды Сырым ауданы, Қособа МББК-ның 4 сынып оқушысы Айым Талаптан, 5-6 сынып сынып оқушылары арасында І орынды Ақжайық ауданы, Мойылды НОМ-ның 6 сынып оқушысы Айзере Ғазиз, 7-8 сынып сынып оқушылары арасында І орынды Бөрлі ауданы, Ақсай қаласының №6 МЛ-дың 7 сынып оқушысы Адель Ұзақбаева, 9-10 сынып оқушылары арасында І орынды Шыңғырлау ауданы, Л.Қылышев атындағы ЖОББМ-ның 9 сынып оқушысы Милана Жумагалиева иеленді.
Байқау жеңімпаздары республикалық кезеңге жолдама алды.
БҚО Білім басқармасының баспасөз қызметі
