«Барыс» Құрлықтық хоккей лигасы аясында елордада «Амур» (Хабаровск) командасымен кездесті, деп хабарлайды ҚазАқпарат тілшісі.
Кездесу барысында командалар қарқынды ойын көрсетті.
Ойынның 14-минутында ресейлік клубтан Ян Дрозг есеп ашса, 21-минутта елордалық командадан Аркадий Шестаков таразы басын теңестірді.
Ал 24-минутта «Амур» хоккейшісі Владислав Барулин қайтадан өз командасын алға шығарды.
Одан кейін «Барыс» сапынан Дмитрий Шевченко 37, Линден Вей 56-минутта екі голмен жауап қайырды.
Кездесудің 58-минутында Никита Гребёнкин гол соғып, ойынның негізгі кезеңі 3:3 есебімен аяқталды. Ойын овертаймға ұласты.
Овертаймда жеңімпаз анықталған жоқ. Буллитте Станислав Бочаров соққан шайба «Амурға» жеңіс алып келді.
Осылайша «Барыс» қарсыласына буллиттен 3:4 есебімен жол берді.
Енді елордалық клуб 6 қаңтарда «Амур» командасымен тағы бір ойын өткізеді.
Ал одан кейін, 8 және 9 қаңтар күндері «Адмирал» (Владивосток) командасымен шеберлік байқасады.
Еске салсақ, бұдан бұрын «Барыс» елордада «Металлургтен» басым түсті.
Фото: hcbarys.kz
