Биыл Кеңес Одағының Батыры Есен Шегірейұлы Орақбаевтың туғанына 100 жыл толып отыр. Осыған орай тамыз айының 16-сы күні «Орал» спорт кешенінде қазақ күресінен жасөспірімдер арасында республикалық ашық турнир өтті.
Жарыстың ашылу салтанатына Есен Орақбаевтың ұлы Болат Есенұлы, «Ауыл» партиясы облыстық филиалы төрағасының орынбасары, еркін күрес, грек-рим және қазақ күресінің құрметті спорт ардагері Мынатаубиік Әнесов, «Орал» спорт клубының директоры, құрметті спорт қайраткері Есқабыл Жалмырзиев, Орал қалалық дене шынықтыру және спорт бөлімінің басшыс Артур Шерғалиев қатысып, балуандарға сәттілік тіледі.
– Әкеміздің құрметіне арналған ашық турнир Орал қаласының әкімі Миржан Сатқановтың қолдауымен облыс орталығында тұңғыш рет ұйымдастырылып отыр. Бұған дейін Жаңақала ауданында және сол ауданға қарасты ауылдарда талай рет өтті. Бұдан кейін кыркүйек айында Ақжайық ауданында ұйымдастыру жоспарда бар. Өскелең ұрпақ осындай додалар арқылы батыр аталарын біліп өссін дегім келеді. Сонымен қатар денесін шынықтырып, шеберліктерін шыңдап, чемпион атанып, өңірдің һәм елдің атын әлемге әйгілей берсе екен деген тілегім бар. Барша жарысқа қатысушы балуандарға сәттілік тілеймін. Аталарыңның аруағы қолдасын сендерді! – деді батырдың ұлы.
Аталмыш турнирде Ақтөбе, Атырау облыстарының, Бәйтерек, Қаратөбе, Бөрлі, Бөкей ордасы, өзіміздің өңірдің Сырым, Жаңақала аудандарының және Орал қаласындағы бірқатар мектептердің балғын білек балуандары белдесіп бақ сынасты.
Жарыстың бас төрешісі міндетін Айдын Аманғалиев атқарса, бас хатшысы Айдос Сағидолла болды. Тартысты өткен турнир нәтижесі төмендегідей:
(32 келі)
І орын – Сұңғат Нұрлан (№4 БЖСМ)
ІІ орын – Аян Айп (№4 БЖСМ)
ІІІ орын – Едіге Жүсіп (Жаңақала ауданы)
ІІІ орын – Батырхан Құманғалиев («Орал» спорт клубы)
(35 келі)
І орын – Әділ Балтабай (№4 БЖСМ)
ІІ орын – Рашид Есенбол (Ақтөбе облысы)
ІІІ орын – Исламәли Бақтыбай (№4 БЖСМ)
ІІІ орын – Әли Екпін («Орал» спорт клубы)
(38 келі)
І орын – Асылжан Нұрасқанұлы (Атырау облысы)
ІІ орын – Жарас Үмбетов (Ақтөбе облысы)
ІІІ орын – Мансұр Ерсайын (Сырым ауданы)
ІІІ орын – Арсен Байғали ( Бөрлі ауданы)
(42 келі)
І орын –Айбар Сайын (Сырым ауданы)
ІІ орын –Нұртуған Марат (№4 БЖСМ, Орал қаласы)
ІІІ орын – Ділмұрат Мендібекұлы (Жаңақала ауданы)
ІІІ орын –Ермұхан Мырзабаев (Сырым ауданы)
(46 келі)
І орын – Нұрислам Мендіғалиұлы (Ақтөбе облысы)
ІІ орын – Аманқос Талғат (Сырым ауданы)
ІІІ орын – Армат Ғабдуллин (Казталов ауданы)
(50 келі)
І орын – Бектұрсын Берік (Ақтөбе облысы)
ІІ орын – Ерасыл Қайырбекұлы («Орал» спорт клубы)
ІІІ орын – Нұрсұлтан Бақтығали
ІІІ орын – Бектас Әлмұрат (Сырым ауданы)
(55 келі)
І орын – Дамир Жүсіп (Жаңақала ауданы)
ІІ орын – Әли Айтжанұлы (Жаңақала ауданы)
ІІІ орын – Ернұр Ерген (Сырым ауданы)
ІІІ орын – Бекарыс Айдынғали (№4 БЖСМ, Орал қаласы)
(55 келіден жоғары)
І орын – Мансұр Қайрадин (Оқушылар сарайы, Орал қаласы)
ІІ орын – Мержан Ермұханов («Орал» СК)
ІІІ орын – Шыңғыс Сақтаған (Ақтөбе облысы)
ІІІ орын – Нұрдәулет Әбдіғаппаров (Ақтөбе облысы)
Нұртілеу Қадырқұл,
zhaikpress.kz
