Құрметті арыз беруші!
Жеке және заңды тұлғалардың өтініштерін жан-жақты, сапалы қарау, азаматтардың бұзылған құқықтарын қалпына келтіру прокурорлар жұмысының басты басымдықтарының бірі болып табылады.
«Прокуратура туралы» Конституциялық заңының 24-бабына сәйкес прокуратура органдары, егер осы мүдделерді қорғауды құзыретіне тиісті өкілеттіктер жатқызылған уәкілетті орган тиісті түрде қамтамасыз етпесе не мұндай орган болмаған жағдайда, адамның және азаматтың, қоғамның немесе мемлекеттің құқықтары мен заңды мүдделерін қорғау және қалпына келтіру үшін өтініштерді қарайды.
Ағымдағы жылдың 1-тоқсанында көлік прокуратурасы органдарына 357 өтініш келіп түсті, оның ішінде төмен тұрған прокуратураларға және басқа да мемлекеттік органдарға 126 арыз, яғни 35,2% жіберілді.
Өтініштердің негізгі бөлігі көлік прокуратурасы органдарының құзыреті шегі туралы азаматтардың хабардар болмауына байланысты.
Соның салдарынан өндіріске шешілу жолдары басқа мемлекеттік уәкілетті органдардың құзыретіне жататын өтініштер келіп түсуде.
Мәселен, көлік прокуратурасы өңірдің көлік инфрақұрылымы үшін стратегиялық маңызы бар объектілерде заңнаманың орындалуын қадағалауды жүзеге асырады. Атап айтқанда, келесі объектілерде заңдылықтың сақталуына жетекшілік етеді:
- Әуежайлар, теміржол вокзалдар және теміржол көлігі объектілері (мысалы, Орал, Қазақстан станцияларындағы вокзалдар және басқалары), теміржолдары, жүк терминалдары, сондай-ақ теміржол компанияларының заңнаманы сақтау бөлігіндегі қызметі;
- Республикалық және халықаралық маңызы бар автомобиль жолдары;
- Кеден бекеттері мен шекара өткелдері;
- Газ және мұнай құбырлары;
- Су көлігі, теңіз және өзен порттары.
Заңнамамен көлік прокурорының қарауына жататын мәселелердің тізімі анықталғандықтан, жоғарыда көрсетілген қадағалау шектері өтініштерді тиісті инстанцияларға кері жолдау қажеттілігіне алып келеді, бұл өз кезегінде оларды қарау мерзімін ұзартады және өтініш берушілердің құқықтарын қорғаудың тиімділігін төмендетеді.
Азаматтардың құқықтық хабардар болуын және өтініштерді қараудың тиімділігін арттыру мақсатында азаматтар мен ұйымдарды уақтылы және қолайлы нәтиже алу үшін өтініштерді берудің мынадай тәсілдері туралы хабардар етеміз:
Бірінші қадам: өтінішпен жүгінген кезде проблемалық мәселені шешуде құзыретті органды анықтау маңызды (мысалы, әуежайлардың/вокзалдардың қызметіне қатысты мәселелер – көлік прокуратурасының органдары, басқа да мәселелер, мысалы, еңбек дауы – еңбек инспекциясы бойынша департаменті, жер дауы – жер қатынастары бөлімі, құқық бұзушылық саласындағы мәселелер – полиция бөлімі және т.б.).
Мәселені шешуде құзыретті органды өз бетінше айқындау қиын болған жағдайда – құқықтық көмекті жедел алу үшін кезекші прокурорға немесе «115» нөмірі бойынша Қазақстан Республикасы Бас прокуратурасының колл-орталығына жүгінуге мүмкіндік бар.
Екінші қадам: уәкілетті мемлекеттік органнан қанағаттанарлықсыз жауап алған немесе жауапты мүлдем алмаған жағдайда, мәселені мәні бойынша қарау және прокурорлық қадағалау шараларын қабылдау үшін уәкілетті органның өтініші мен жауабының көшірмесін қоса бере отырып, прокуратура органына жүгіну (тұрғылықты жері бойынша көліктік немесе аумақтық).
Көлік және аумақтық прокуратуралардың құзыретін нақты түсіну азаматтарға өз проблемаларын тезірек және тиімді шешуге көмектеседі. Өкілеттіктердің аражігін ажырату әрбір органға өзінің жұмыс бағытына назар аударуға мүмкіндік береді, бұл заңнама сақталуына бақылауды жақсартуға, шағымдар мен арыздарға жедел ден қоюға, сондай-ақ азаматтардың көлік пен жолдардағы қауіпсіздігін қамтамасыз етуге ықпал етеді.
Егер сізде сұрақтар туындаса немесе қосымша түсініктеме қажет болса – Сіз әрқашан кеңес алу үшін көлік прокуратурасына немесе ауданыңыздың аумақтық прокуратурасына жүгіне аласыз.
Біздің ортақ мақсатымыз – көлікте және жол саласында азаматтар құқықтарының заңдылығын, қауіпсіздігін және қорғалуын қамтамасыз ету.
Батыс Қазақстан көлік прокуратурасы
