Бұл туралы БҚО әкімі Нариман Төреғалиев орталық коммуникациялар қызметінің алаңында айтты.
Фото: t.me/ortcom_kz
- БҚО-да тартылған инвестициялардың арқасында мыңнан астам жаңа жұмыс орны ашылды. Елге инвестиция тарту – тек қаржы көзі ғана емес, сондай-ақ, шетелдік тәжірибенің, мүмкіндіктердің келуіне мүмкіндік ашу. Бұл өз кезегінде дамудың жаңа бағытына, ауқымды өзгерістерге, экономиканың әр саласына тың серпін береді. Осы бағытта Батыс Қазақстан облысында бірқатар жұмыс атқарылып жатыр, - деді Нариман Төреғалиев.
БҚО әкімінің баспасөз қызметінің хабарлауынша, биылғы жылдың 9 айында негізгі капиталға салынған инвестициялар көлемі 437 млрд. теңгені құрады. Соның ішінде жеке инвестициялардың үлесі 342 млрд.теңге. Тартылған инвестициялардың арқасында өңірде 1 мыңнан астам жаңа жұмыс орны құрылды.
Өнеркәсіп саласында биыл 2,6 трлн.теңгенің өнімі өндірілді. Алдағы 5 жыл ішінде 2,4 трлн. теңгеге 42 инвестициялық жобаларды іске асыру жоспарланып отыр.
