23 маусымда салтанатты түрде «Nur Otan» партиясы Батыс Қазақстан облыстық филиалының төрағасы, облыс әкімі Ғали Есқалиев Елбасы Нұрсұлтан Назарбаевтың атынан еріктілерге алғысхаттарды тапсырды.
Қарағанды облысы партия Төрағасы Н.Ә.Назарбаевтың бастамасымен #Bizbirgemiz қайырымдылық республикалық акциясын алғашқылардың бірі болып бастады. «Nur Otan» партиясы мұқтаж отбасыларға атаулы қолдау мен көмек көрсетті. «Jas Otan» Жастар қанатының еріктілер орталығының және партия филиалдарының қызметкерлері азық-түлік, антисептикалық дәрі-дәрмектер мен медициналық маскалардың байланыссыз, мақсатты түрде таратылуын қамтамасыз етті. Жалпы, 19 наурыздан бастап осы уақытқа дейін Батыс Қазақстан облысында 25 мың отбасына жалпы сомасы 1,2 млрд. теңгеден астам көмек көрсетілді.
Атап айтарлығы, 2020 жылды Президент Қ.Ж.Тоқаев Еріктілер жылы деп жариялады.
Волонтерлік қызмет реформаларды жүзеге асыруда және бүкіл мемлекетті жаңғыртуда маңызды рөл атқарады. Еріктілер өз қызметімен реформаларды жүзеге асыруға нақты үлес қосады. Еңбекқорлық, әлемге ашық болу арқылы біз алдыңғы қатарлы технологиялар мен жоғары еңбек өнімділігіне негізделген жаңа экономика құра аламыз. Еріктілік идеяларын белсенді насихаттау қазақстандықтардың ойлауының жаңа парадигмасын қалыптастыруға ықпал етеді. Еріктілік нақты істермен бекітілген патриотизмнің жоғары деңгейінің көрінісіне айналды.
Бұқаралық ақпарат құралдарының өкілдері, мәдени және спорт қайраткерлері үлкен үлес қосты. Коронавируспен күресте алдыңғы қатарда тұрып, олар нағыз патриотизм мен азаматтық жауапкершілікті көрсетті және бүкіл қоғамға үлгі болды.
zhaikpress.kz
